ԱՄՆ պետքարտուղար Ջոն Քերին ԴԱԻՇ (Իրաքի և Շամի իսլամական պետություն) ահաբեկչական խմբավորումը համարում է «աշխարհի համար մեծագույն ծայրահեղական սպառնալիք` ներկա սերնդի կյանքում և մեր ժամանակներում չարիքի մարմնավորում»: Այս մասին նա հայտարարել է Վաշինգտոնի համալսարանում իր ելույթի ժամանակ, գրում է TASS-ը:
Իր ելույթի սկզբում Քերին ասել է, թե ձգտում է խաղաղության, «որպես դիվանագետ, քաղաքացի, հայր և պապիկ»: Ըստ նրա` խաղաղություն հաստատելու փորձը միշտ էլ իմաստ ունի:
Նա հիմնականում խոսել է «Սիրիայի հարցին մոտեցման ԱՄՆ ռազմավարության մասին», որի ընթացքում շոշափվել են նաև Իրանի, Ուկրաինայի, «ՆԱՏՕ-ի կոլեկտիվ պաշտպանության» և այլ թեմաներ:
Իր ելույթում նա աշխատել է ապացուցել, որ Սիրիայում ԱՄՆ ռազմավարությունը մտածված և հաջողակ է:
