Վրացական Apsny.ge կայքի փոխանցմամբ, ռուսական ընդդիմադիր «Ժողովրդական ազատություն» կուսակցության համանախագահ, ՌԴ նախկին վարչապետ Միխաիլ Կասյանովը Մոսկվայում` Կառնեգիի միջազգային կենտրոնում, ՌԴ վարչապետ Վլադիմիր Պուտինին մեղադրել է 2008 թվականին Վրաստանի հետ պատերազմ սանձազերծելու մեջ.
«Մենք կարծում ենք, որ 2008 թվականի օգոստոսին պատերազմ սկսելու հարցում հենց ռուսական իշխանություններն են հրահրել Վրաստանի նախագահ Միխեիլ Սաակաշվիլիին: Այդ պատերազմը սանձազերծել է հենց Պուտինը, քանի որ պատերազմից 6 ամիս առաջ ռուսական իշխանությունները վրացական սահմանին կենտրոնացրել էին զորքեր ու ռազմական տեխնիկա:
Այդ հակամարտությունը ոչ թե Վրաստանի և Հարավային Օսիայի միջև էր, այլ` ռուսական իշխանությունների ու Վրաստանի»:
Հիշեցնենք, որ Պուտինի նախագահության ժամանակ Կասյանովը եղել է Ռուսաստանի 6-րդ վարչապետը (2000-2004 թթ.):