Թուրքիայում սպանված կանանց թիվը` հիմնականում ամուսինների կողմից, շարունակում է աճել: Ինչպես ասվում է վերջերս հրապարակված «Մենք կդադարեցնենք ֆեմինիցիդը» շարժման զեկույցում` վերջին երկու ամիսների ընթացքում Թուրքիայում 45 կին է սպանվել:
Նշվում է, որ այդ սպանությունների մեծ մասը կատարել են զոհերի ամուսինները, իսկ ողբերգությունները հիմնականում տեղի են ունեցել Ստամբուլում և Դիարբեքիրում: 30 սպանություն կատարվել է հրազենի կիրառմամբ, իսկ 12-ը` ծակող-կտրող գործիքներով: Զոհերի մեծ մասը 25-35 տարեկան է:
«Վերջին երկու ամիսներին սպանված 45 կանանց 44 տոկոսն ամուսնացած էր, իսկ 4-ն էլ ամուսնացած են եղել ոչ պաշտոնական` կնքված կրոնական ամուսնական արարողությամբ: 7 կին սպանվել է ամուսնալուծություն պահանջելու համար»,- ասվում է շարժման հայտարարությունում:
