Անցած գիշեր Լոնդոնում՝ հարյուրավոր զինծառայողների մասնակցությամբ, անցկացվել է Մեծ Բրիտանիայի նախկին վարչապետ Մարգարետ Թետչերի հուղարկավորության գլխավոր փորձը: Այս մասին հայտնում է ITAR-TASS-ը:
Սգո արարողությունը, որոնց հավանաբար կմասնակցեն ավելի քան 2000 հյուրեր, այդ թվում՝ թագուհի Էլիզաբեթ II-ը՝ ամուսնու հետ, կկայանա չորեքշաբթի՝ ապրիլի 17-ին:
Փորձը սկսվել է տեղի ժամանակով ժամը 05:00-ին (Երևանի ժամանակով՝ ժամը 08:00-ին): Լոնդոնի փողոցներում նվագախմբերը հնչեցրել են Շոպենի, Բեթհովենի և Մենդելսոնի քայլերգերը: Ավտոմեքենան պայմանական դագաղը տեղափոխել է Սուրբ Կլիմենտի եկեղեցի, որը թագավորական ռազմաօդային ուժերի գլխավոր տաճարն է:
Աճյունը կտեղափոխեն 1982 թվականին Ֆոլկլենդյան պատերազմին մասնակցած ստրորաբաժանումների զինծառայողները:
Մեծ Բրիտանիայի կառավարությունը 1979-90թթ. ղեկավարած Թետչերը մահացել է ապրիլի 8-ին՝ 87 տարեկանում: Մահվան պատճառը ուղեղի կաթվածն էր: «Երկաթե լեդիի» մարմինը կդիակիզվի:
