Մերձավորարևելյան հակամարտության խաղաղ կարգավորումը, միջուկային գործարքն Իրանի հետ և իրավիճակը Սիրիայում կդառնան բանակցությունների հիմնական թեմաները, որոնք երկուշաբթի Սպիտակ տանը կանցկացնեն ԱՄՆ նախագահ Բարաք Օբաման և Իսրայելի վարչապետ Բենիամին Նեթանյահուն։ Այս մասին լրագրողներին հայտնել է ազգային անվտանգության հարցերով ԱՄՆ նախագահի խորհրդականի տեղակալ Բեն Ռոդսը՝ փոխանցում է RIA Novosti-ն։
«Նույնիսկ չնայած մեր երկրների միջև երբեմն առաջացող տարաձայնություններին՝ մենք հակված ենք Իսրայելի հետ համագործակցության հարցերի ամենալայն շրջանակով»,- ասել է Ռոդսը։
Նրա խոսքով՝ բանակցությունների ընթացքում կքննարկեն անվտանգության ոլորտում երկկողմ համագործակցությանն առնչվող հարցեր։
«Կքննարկվեն մեր մտավախությունները տարածաշրջանում Իրանի գործունեության վերաբերյալ,Պաղեստինի հետ Իսրայելի հարաբերությունները, ինչպես նաև մի շարք տարածաշրջանային հարցեր, այդ թվում՝ Սիրիային վերաբերող»,- ասել է Օբամայի խորհրդականի տեղակալը։
