Կալինինգրադի Альянс-1892 գործարանը, որը կոնյակի արտադրության ծավալներով երկրորդն է Ռուսաստանում, դադարեցրել է աշխատանքը: Այս մասին այսօր գրել է Коммерсант-ը` նշելով, որ այն դադարեցվել է պատկան մարմնի կողմից լիցենզիայի ժամկետը չերկարացնելու պատճառով: Ավելի վաղ աշխատանքները դադարեցրել էր նաև Ռուսաստանի թիվ մեկ արտադրողը` КиН-ը: Այսպիսով, Ռուսաստանում կոնյակի արտադրությունը մարտին կրճատվել է 20%-ով:
Альянс-1892 ընկերության լիցենզիայի ժամկետն ավարտվել է ապրիլի 21-ին, իսկ КиН-ինը` մարտի 7-ին: Պատկան մարմնում հայտարարել են, որ ստուգման արդյունքում պարզվել է, որ ընկերություններում լուրջ խախտումներ կան, ինչն էլ լիցենզիայի ժամկետի դադարեցման պատճառ է հանդիսացել:
Հայտնի է, որ եթե արտադրությունը չվերականգնվի, ապա ընկերությունները կսպառեն արդեն պահեստավորված ապրանքը 2-3 ամսից: Այնպես որ, կարելի է ենթադրել, որ հայկական կոնյակ արտադրողների համար նոր շուկաներ գրավելու լավ հնարավորություն է ստեղծվում:
