Համացանցում գաղտնալսման համար իտալական հայտնի տեղեկատվատեխնոլոգիական Hacking Team ընկերության մշակած սարքավորումը կարող էր հայտնվել իսլամիստ ահաբեկիչների ձեռքը: Այս մասին հայտնում է իտալական Corriere della Sera թերթը:
Հաղորդվում է, որ Hacking Team-ի տվյալների բազան կոտրելու վերաբերյալ գործով հետաքննությունը վարող Միլանի դատախազությունը կարծում է, որ ընկերության երկու նախկին աշխատակից վաճառել են լրտեսական ծրագրային ապահովումը: Հետաքննիչները պարզել են, որ ընկերության հաշվին ստացվել է 300 000 եվրո սաուդյան ընկերությունից: Ըստ իտալացի հետաքննիչների՝ այդ սաուդյան ընկերությունը կեղծ է եղել, որի տակ կանգնած է եղել ահաբեկչական կազմակերպություններից մեկը:
«Հետաքննությունը բոլոր հիմքերն ունի կասկածելու, որ Hacking Team-ի տեղեկատվական ապրանքների վերջնական պատվիրատուները երրորդ կողմն է եղել, որը հնարավոր է ահաբեկչական գործունեություն ծավալող է»,- մեջբերում է թերթը դատախազության հայտարարությունը:
