Rosbalt լրատվական գործակալության փոխանցմամբ՝ ամերիկյան Wal-Mart Stores Inc. ընկերությունը, որը մանրածախ առևտրի խոշորագույն ցանցն է աշխարհում, ԱՄՆ իշխանություններին խնդրել է թույլատրել ապրանքների տեղափոխման համար անօդաչու թռչող սարքեր (ԱԹՍ) օգտագործելը։
Ընկերությունը, որը զբաղվում է էլեկտրոնիկայի, հագուստի ու տան համար ապրանքների վաճառքով, մի քանի ամիս բաց երկնքի տակ ներքին փորձարկումներ կանցկացնի ԱԹՍ-երի միջոցով, ինչի համար պահանջվում է իշխանությունների թույլտվությունը։
Ընկերությունն օգտագործում է չինական SZ DJI Technology ընկերության արտադրության ԱԹՍ-եր, որոնք կարող են ստուգել պահեստում ապրանքների առկայությունը, զբաղվել դրանք բեռնատարից գնորդի տուն տեղափոխելով և անհրաժեշտության դեպքում հակառակն անելով:
