Սպիտակ տունը չորեքշաբթի առաջարկել է բյուջե, որի իրականացումը կօգնի կտրուկ նվազեցնել դեֆիցիտը երեք տարվա ընթացքում: Այս մասին հայտնում է Reuters գործակալությունը՝ հղում անելով ԱՄՆ նախագահի վարչակազմին:
Բարաք Օբամայի՝ 2014 թվականի համար նախատեսված ֆինանսական բյուջեի համաձայն՝ տարեկան 1 մլն դոլար կամ ավելի աշխատողները տարեկան 30 տոկոսի չափով եկամտահարկ կվճարեն՝ հարկերից և բարեգործության համար հատկացումներից հետո:
Բարաք Օբամայի բյուջեի տարբերակը Կոնգրեսում կքննարկվի Ներկայացուցիչների պալատի և Սենատի առաջարկների հետ: Ներկայում նախագահի առաջարկը կուսակցություններից և ոչ մեկի հավանությանը չի արժանացել:
Հիշեցնենք, որ Ֆրանսիայի նախագահ Ֆրանսուա Օլանդն ավելի վաղ առաջարկել էր երկրում շքեղության 75 տոկոսանոց հարկ ներմուծել: Դա լուրջ դժգոհություն էր հարուցել բնակչության շրջանում: Երկրից հարուստների ու հայտնի մարդկանց արտագաղթ էր սկսվել: Դեպարդյեից բացի, որը Ռուսաստանի քաղաքացիություն է ստացել և Բելգիա տեղափոխվել, Ռիո դե Ժանեյրո է տեղափոխվել Մոնիկա Բելուչին՝ ամուսնու՝ Վենսան Կասելի հետ:
