Վրաստանի խորհրդարանի փոխխոսնակ Գիորգի Բարամիձեի կարծիքով՝ արդարադատության նախարար Թեա Ցուլուկիանիի՝ օգոստոսյան պատերազմի վերաբերյալ հայտարարությունը Ռուսաստանի շահերից է բխում:
Հայտարարության մեջ նշվում է, որ օգոստոսյան պատերազմի հետաքննության ընթացքում չի բացառվում Վրաստանի նախագահի և այլ բարձրաստիճան պաշտոնյաների հարցաքննությունը:
«Բնականաբար, այս հայտարարությունները Ռուսաստանի օգտին են, և դա բոլորը շատ լավ են հասկանում: Ինչ վերաբերում է հարցի իրավական կողմին, ապա համոզված եմ, որ այն ոչ մի արդյունք չի տա: Երբ քաղաքական դեմքերն այսպիսի հայտարարություններ են անում, ապա դա միայն Ռուսաստանի շահերից է բխում: Հարցը լավ ուսումնասիրված է, Տալյավինիի հանձնաժողովը եզրակացություն է կայացրել, որտեղ հստակ գրված է, թե ինչ է արել Ռուսաստանը և ինչ՝ Վրաստանը: Եթե ինչ-որ մեկը ցանկանում է Պուտինի ձեռքերից լվանալ արյունը, ապա դա միայն իր խնդիրն է և ոչ թե Վրաստանինը: Վրաստանի կառավարությունը պետք է լավ մտածի և իր անդամներին Վրաստանի շահերին ծառայելու, այլ ոչ թե Վրաստանին վնասելու կոչ անի»,- հայտարարել է Բարամիձեն:
