ԱՄՆ պետքարտուղար Ջոն Քերին պատրաստակամություն է հայտնել համագործակցել իսրայելցի և պաղեստինցի առաջնորդների հետ՝ համատեղ ջանքերով դուրս բերելու Հորդանան գետի Արևմտյան ափի տնտեսությունը ճգնաժամից: Որոշումն ընդունվել է Մերձավոր Արևելքում խաղաղ կարգավորման վերսկսման ծրագրի շրջանակում: Այս մասին հայտնում է Reuters գործակալությունը:
Տարածաշրջան եռօրյա այցից հետո Քերին լրագրողներին հայտարարել է, որ այդ տնտեսական ծրագրերի մասին լիարժեք տեղեկությունը կտրամադրի հաջորդ շաբաթ: Նշենք, որ այցի ընթացքում ԱՄՆ պետքարտուղարը հանդիպել է Իսրայելի վարչապետ Բենյամին Նեթանյահուի և Պաղեստինի առաջնորդ Մահմուդ Աբասի հետ:
Քերիի խոսքով՝ իրենք պայմանավորվել են, որ կներդնեն նոր, շատ հստակ ջանքեր տնտեսական զարգացմանը նպաստելու, արգելապատնեշները վերացնելու համար, որոնք արգելակում են առևտուրն Արևմտյան ափում:
