Կանանց համար հավասար իրավունքներն ու հնարավորությունները մինչև 2030 թվականը ՄԱԿ-ի նպատակն է՝ հայտարարել է ՄԱԿ-ի գլավոր քարտուղար Պան Գի Մունը՝ ներկայացնելով «Աշխարհի կանայք-2015» զեկույցը։ Այս մասին հայտնում է BBC-ն։
Կանանց իրավունքներին նվիրված ՄԱԿ-ի առաջին համաժողովն անցկացվել է Պեկինում՝ 1995 թվականին։ Այս ընթացքոմ, Պան Գի Մունի խոսքով՝ կանանց իրավունքների հարցում տեղի են ունեցել էական բարելավումներ։
Չնայած դրան՝ միլիոնավոր կանայք, ինչպես նախկինում, բախվում են բռնության և խտրականության, աշխարհում անգրագետ մարդկանց 2/3-ը կանայք են։ Նրանցից շատերը ստիպված են ցածր վարձատրվող աշխատանքներ կատարել։
Հարավային Ասիայում և Աֆրիկայում մեծ խնդիր է մնում ծննդաբերության ժամանակ մահացության բարձր ցուցանիշը։ Կանանց կյանքի միջին տևողությունը 20 տարում աճել է՝ 64-ից դառնալով 72, իսկ ամուսնության միջին տարիքը, համաձայն զեկույցի, ներկա պահին 25 տարեկանն է։
Բացի այդ, Պան Գի Մունի խոսքով՝ վերջին տարիներին կանայք սկսել են նկատելիորեն ավելի լավ կրթություն ստանալ։
Կանանց իրավունքների մասին հաշվետվությունը կազմակերպության կողմից հրապարակվում է 5 տարին մեկ։