Դեղարտադրող համաշխարհային խոշորագույն ընկերությունների մաքուր եկամուտը, ըստ նախորդ տասնամյակի արդյունքների, կազմել է 711 մլրդ դոլար: Այս մասին նշվում է Health Care for America Now ընկերության զեկույցում:
Ընկերության տնօրեն Էթան Ռոման ասել է, որ 2003-2012թթ. ընկած ժամանակահատվածում այս եկամուտը կարող էր նվազեցնել Medicare և Medicaid ծառայություններից օգտվող հաճախորդների դեղահաբերի գները, ինչը շատ կարևոր է: Ըստ փորձագետների՝ դա դաշնային կառավարությանը թույլ կտա 10 տարվա ընթացքում տնտեսել 137 մլրդ դոլար:
Նշենք, որ 2012-ին ամենամեծ եկամուտը գրանցել են շվեյցարական Roche Holdings ընկերությունը՝ 10.4 մլրդ դոլար, և ամերիկյան Pfizer ընկերությունը՝ 14.6 մլրդ դոլար:
