Հայաստանում ապաստանած 12.000 սիրիահայերից 3000-4000-ը վերջին մեկ տարվա ընթացքում գաղթել են տարբեր երկրներ: Այս մասին «Առաջին լրատվական»-ի հետ զրույցում ասաց ՍԴՀԿ Հայաստանի կառույցի փոխատենապետ, սիրիահայ Վազգեն Մեսրոպյանը:
Նա նշեց, որ մի քանի հանդիպումների ժամանակ ինքը նախագահին, կառավարությանը ասել է, որ հալեպահայ գործարարներին վեց ամսով հարկերից ազատեն, բիզնեսի զարգացման հնարավորություն տան:
Նրա խոսքով՝ թեև ճիշտ է, որ Սիրիայում ապրող հայերը Հայաստան տեղափոխվեն, բայց պետք է մտածել, որ նրանք այնտեղ կալվածքներ ունեն, գործարաններ, խանութներ, տներ: Շատերը, ըստ նրա, կվերադառնան Հայաստան:
«Սիրիայի ապագան տակավին մութ է, ինչ է լինելու, ինչ է սպասվում, չենք կարող ասել»,- ասաց նա:
