Մեծ Բրիտանիայի նախկին վարչապետ Մարգարետ Թետչերը, ով մահացել է ապրիլի 8-ին, կհուղարկավորվի Լոնդոնի Սուրբ Պողոս տաճարում։ Այս մասին հաղորդում է Sky News-ը:
Agence France Presse-ի տեղեկատվության համաձայն՝ հրաժեշտի արարողությունը հանդիսավոր կլինի, սակայն պետական հուղարկավորություն չի լինի: BBC News-ի տվյալներով՝ այդպիսին է եղել «երկաթյա տիկնոջ» վերջին ցանկությունը:
Հանդիսավոր հուղարկավորությունը պետական հուղարկավորությունից աննշան է տարբերվում. առաջին դեպքում դագաղը տանում են ձիերը, իսկ երկրորդ դեպքում՝ նավաստիները:
Մեծ Բրիտանիայում պետական հուղարկավորության սովորաբար արժանանում են միայն միապետները: Սակայն երբեմն արվում են բացառություններ, ինչպես օրինակ՝ Իսահակ Նյուտոնի դեպքում:
Սուրբ Պողոսի տաճարում են հուղարկավորված շատ հայտնի բրիտանացիներ, ինչպես՝ Ուինսթոն Չերչիլը, ծովակալ Նելսոնը, դուքս Վելինգթոնը և այլք:
Հիշեցնենք, որ 87-ամյա Թետչերը մահացել է այսօր առավոտյան՝ ուղեղի կաթվածից: Հուղարկավորությունը կազմակերպելու համար շտապ երկիր է վերադարձել Մեծ Բրիտանիայի գործող վարչապետ Դևիդ Քեմերոնը:
