ՄԱԿ-ի գլխավոր քարտուղար Պան Գի Մունը, որը Հռոմ է ժամանել ՄԱԿ-ին Իտալիայի միանալու 60-ամյակի կապացությամբ հանդիսություններին մասնակցելու նպատակով, վստահություն է հայտնել սիրիական ճգնաժամի քաղաքական լուծման որոնման անհրաժեշտության հարցում: Այս մասին հայտնում է Corriere della Sera թերթը:
«Ավելի քան 200 000 զոհ, 4 մլն մարդ, որոնք արտասահման են փախել, ևս 8 մլն, որոնք փախել են երկրի ներսում՝ փորձելով փրկվել բռնությունից: Չորսուկես տարի պատերազմ, հսկայական ավերածություններ: Եվ, այդուհանդերձ, հենց այդ պատճառով ես համոզված եմ, որ լուծում չի կարող գտնվել զենքի միջոցով: Ես դեռ հավատում եմ, և մենք բոլորս պետք է հաստատորեն հավատանք քաղաքական լուծմանը»,- հայտարարել է նա հարցազրույցում, որը հրապարակել է Corriere della Sera-ն:
Պան Գի Մունը նշել է, որ մեծ հույսեր է կապում Սիրիայի հարցով ՄԱԿ-ի հատուկ հանձնակատար Ստաֆան դե Միստուրայի գործունեության հետ, որն այս օրերին դիվանագիտական ջանքեր է գործադրում Մոսկվայի և Վաշինգտոնի միջև փոխհասկացվածության ձեռքբերման ուղղությամբ:
