ԱՄՆ-ի պաշտպանության նախարար Էշթոն Քարտերը Ռուսաստանին անվանել է ԱՄՆ-ի և Եվրոպայում նրա դաշնակիցների համար «լուրջ մարտակոչ»: Ելույթ ունենալով Վաշինգտոնի ռազմական համաժողովում` նա կարծիք է հայտնել, որ «Ռուսաստանը օգտագործում է իր քաղաքական, տնտեսական և ռազմական միջոցները հարևան երկրների ինքնիշխանության և տարածքային ամբողջականության խափանման համար»: Այդ մասին հատնում է TASS-ը:
Նրա տեսանկյունով՝ Մոսկվան «անտեսում է միջազգային իրավական նորմերը և Ղրիմում ու Ուկրաինայում իր գործողություններով անկայունացնում է Եվրոպայի անվտանգությունը»:
Քարտերի խոսքերով` ԱՄՆ-ը և ՆԱՏՕ-ի նրա դաշնակիցները որպես պատասխան մշակել են «ուժեղ և հավասարակշռված ռազմավարական մոտեցում», որը վերջերս քննարկվել է նրա Եվրոպա հերթական այցի ժամանակ: «Մենք կանենք բոլոր անհրաժեշտ քայլերը, որպեսզի զսպենք Ռուսաստանի թշնամական և անկայունացնող ազդեցությունը»,- ավելացրել է նա:
Որպես Ռուսաստանի «մեկուսացման դադարեցման» և նրան «պատասխանատու պետություն» ճանաչելու պայման, Քարտերն անվանել է Ուկրաինայի արևելքում ագրեսիայի դադարեցումը և Մինսկի պայմանավորվածությունների պարտականությունների կատարումը:
