Ամառն արդեն մոտենում է, ու ժամանակն է ընտրել այն վայրը, որտեղ կարելի է հիանալի հանգիստ անցկացնել: Լավագույն լողափերի վարկանիշային աղյուսակը կազմել է զբոսաշրջային TripAdvisor ռեսուրսը՝ հայտնում է RBK-ն:
Rabbit Beach. Իտալիա
Վարկանիշային աղյուսակը գլխավորում է Rabbit Beach լողափը՝ Իտալիայի Լամպեդուզա կղզում: Այն գտնվում է Սիցիլիայի և Թունիսի միջև:
Rabbit Beach-ը, շատ փորձագետների կարծիքով՝ Եվրոպայի լավագույն լողափերից է, սակայն այդտեղ հասնելը հեշտ չէ, քանի որ լողափին հասնելու համար հարկավոր է ոտքով քայելել 15-20 րոպե: Լողափի ավազը սպիտակ է ու նուրբ:
Grace Bay. Թերքս ու Կայկոս
Հաջորդում է Grace Bay լողափը՝ Պրովիդենսիալես կղզում, որը պատկանում է Թերքս և Կայկոս կղզիներին (բրիտանական անդրծովյան տարածքներ): Փիրուզե ջուրը ոչ ոքի անտարբեր չի թողնի:
Whitehaven Beach. Ավստրալիա
Whitehaven Beach-ը 7 կմ-անոց վայրի գեղեցկությամբ լողափ է՝ սպիտակ ավազով, զմրուխտե թափանցիկ ջրով ու ֆանտաստիկ տեսարաններով: Այն գտնվում է Վայթսանդեյսում: Ավազն այստեղ չի տաքանում անգամ ամենատաք եղանակին:
Baía do Sancho. Բրազիլիա
Baía do Sancho-ն Բրազիլիայի գեղեցիկ լողափերից է՝ շրջապատված ժայռերով:
Flamenco Beach. Պուերտո Ռիկո
Կարիբյան ավազանի ամենագեղեցիկ լողափերից մեկն է հյուսիսային լողափում և եզրափակում է լավագույն լողափերի հնգյակը:
Playa de Las Catedrales. Իսպանիա
Վարկանիշային աղյուսակի 6-րդ հորիզոնականում իսպանական լողափն է Գալիսիայում՝ Playa de Las Catedrales-ը անսովոր անվամբ, ինչը թարգմանաբար նշանակում է Տաճարների լողափ: Ժայռերն ունեն հսկայական սյուների տեսք, որոնք հիշեցնում են գոթական տաճարներ:
Lopes Mendes Beach. Բրազիլիա
Կա ևս մեկ լողափ, որը ներառված է լավագույն լողափերի տասնյակում՝ ըստ TripAdvisor-ի փորձագետների. Lopes Mendes Beach-ն Իլյա Գրանդի կղզում է՝ Ռիո դե Ժանեյրոյից քիչ հեռու:
Horseshoe Bay. Բերմուդներ
Horseshoe Bay-ը ունի մի քանի կիլոմետրանոց նուրբ վարդագույն ավազ: Այն Բերմուդների ամենահայտնի լողափն է:
Eagle Beach. Արուբա
Եվս մեկ լողափ Կարիբյան ավազանից՝ Արուբա կղզում:
Rhossili Bay. Մեծ Բրիտանիա
Rhossili Bay լողափը գտնվում է Հաուեր թերակղզում՝ Սուոնսիից քիչ հեռու: Այն համարվում է Մեծ Բրիտանիայի լավագույն լողափը ու եզրափակում է վարկանիշային աղյուսակը:
Գրեթե 5 կմ-անոց լողափով ձգվում են Rhossili Downs լեռները, որոնցից հրաշալի տեսարան է բացվում դեպի օվկիանոս:
Rhossili Bay-ը հայտնի է բարձր ալիքներով, ինչը գրավում է բրիտանացիներին:
