Օրերս Դեղամիջոցների վերահսկողության ամերիկյան ծառայությունը նախազգուշացրեց, որ բնական հիմքով դեղամիջոցները, որոնք կոչված են բարելավելու տղամարդկանց պոտենցիան, իրականում պարունակում են նյութեր, որոնք մեծացնում են էրեկտիլ դիսֆունկցիան, ինչը հետագայում հանգեցնում է իմպոտենցիայի՝ գրում է raut.ru-ն:
Այդ պատճառով ծառայությունը խորհուրդ չի տալիս ձեռք բերել նման դեղամիջոցներ ու դրանք կհանի արտադրությունից:
Սա արդեն երկրորդ նախազգուշացումն է, որ, այսպես կոչված, բիոակտիվ հավելումները իրականում պարունակում են հավելումներ, որոնցում կա Վիագրա ու Սիալիս:
Այդ դեղամիջոցները կարող են հարուցել լուրջ խնդիրներ տղամարդկանց մոտ՝ կապված սրտի հետ, ինչպես նաև չնախատեսված արդյունքի հանգեցնել այլ դեղամիջոցների հետ համադրելիս:
Փորձագետները թեստավորել են պոտենցիան բարձրացնող մի շարք դեղամիջոցներ, որոնցում իբր պարունակվում է միայն պոտենցիան մեծացնող բույսի մզվածք, սակայն պարզվել է, որ դեղամիջոցներում պարունակվում է sulfoaildenafil նյութ, որը իր ազդեցությամբ նման է Վիագրայի: Այն կարող է իջեցնել զարկերակային ճնշումը, առաջացնել սրտային հիվանդություններ ու ապագայում ազդել նաև պոտենցիայի վրա:
