hyser.com.ua-ն ներկայացնում է ավիատեխնոլոգիաների ոլորտում առավել տարօրինակ և զարմանալի պատենտները:
Ինքնաթիռ, որը կարող է Ատլանտիկան հատել մեկ ժամից պակաս ժամանակում
2015 թ. արտոնված պատենտն ուղևորներին հնարավորություն կտար Լոնդոնից Նյու Յորք մեկնել 1 ժամից պակաս ժամանակում:
Առանց պատուհանների խցիկ
2014 թ. Airbus-ի ձևակերպած պատենտն ամբողջովին կփոխեր ինքնաթիռի ժամանակակից խցիկի մասին պատկերացումը: Օդաչուները կօգտագործեին թվային դիսփլեյներ՝ շրջապատող մթնոլորտը տեսնելու համար: Այդպիսով, պատուհանների անհրաժեշտություն չէր լինի:
Ինքնաթիռի օղականման սրահ
Եվրոպական պատենտային գերատեսչությունում Airbus ընկերության ամրագրած պատենտը հնարավորություն կտար իրագործել այդ գաղափարը: Եթե երբևէ այդպիսի ինքնաթիռ ստեղծվի, դա հիմնովին կփոխի ավիաթռիչքները:
Քնի համար պարկուճներ ճապոնական հյուրանոցի ոճով
Հեռավոր ճամփորդությունների մեկնող ուղևորները, որոնք հնարավոորւթյուն չունեն բիզնես-կլասով թռչելու, հաճախ բողոքում են պառկելու հնարավորության բացակայությունից: 2015 թ. սեպտեմբերին գրանցված պատենտը կօգնի լուծել այդ խնդիրը:
Ծուղակ ահաբեկիչների համար
2002 թ. Airbus-ի գրանցած պատենտն առաջարկում է խցիկ մտնելուց առաջ ահաբեկիչների համար ծուղակ ունենալ:
Այն գաղտնի դուռ է, որն օդաչուները կարող են բացել վտանգի դեպքում: Դռան տակ խուց կա, որտեղ հանցագործը կմնա մինչև թռիչքի վերջը:
Հենարան թռիչքի ընթացքում հարմար քնի համար
Boeing ընկերության մշակած պատենտը նկարագրում է ինքնաթիռում ուղևորների ստանդարտ աթոռին ամրացված հենարան: Գաղափարն ուղևորներին հնարավորություն տալն է մի քիչ քնել՝ առաջ խոնարհվելով: Մշակողների խոսքով՝ դա շատ ավելի հարմար է, քան հետ հենվելը:
Չափազանց անհարմար նստատեղեր
Թերևս, ամենաոչօգտակար պատենտը գրանցել է Airbus ընկերությունը 2013 թ.: Այն նկարագրում է չափազանց անհարմար նստարաններ՝ նման հեծանվի նստատեղի: Դրանք հենարան չունեն, ոտքերի համար էլ շատ քիչ տեղ է նախատեսված: Airbus ընկերությունը խոստովանում է, որ այդպիսի նստատեղերը սարսափելի լուծում կլինեին, բայց կարծում է, որ այդ տարբերակը կարող էր ընդունելի և տնտեսող լինել կարճ թռիչքների համար:
Ուղևորատեղեր՝ երկհարկանի մահճակալների ոճով
Դա հնարավորություն կտար ինքնաթիռում առավել շատ տարածք արդյունավետ օգտագործել: Վերևի հարկ ուղևորները սանդուղքով կբարձրանային:
Վիրտուալ իրականության սաղավարտներ ձանձրույթի դեմ
Ինքնաթիռում բոլորի համար ձանձրալի է լինում, բայց Airbus-ի պատենտը կոչված է լուծելու այդ խնդիրը:
Աթոռներ, որոնց վրա ուղևորները նստում են դեմքով միմյանց կողմը
Zodiac ֆրանսիական ընկերության դիզայնը կոչված է ինքնաթիռում տեղ խնայել:
Թաչսքրիններով խելացի պատուհաններ
Airbus-ի նոր պատենտն առաջարկում է ստեղծել ինտերակտիվ պատուհաններ, որոնք ուղևորներին տեղեկություն կտային այն վայրերի մասին, որոնց վրայով թռչում է ինքնաթիռը, նաև մեդիակոնտենտ հեռարձակել:
