Փարիզի ոստիկանությունը հետաքննում է գողության դեպքը, որը Ֆրանսիայի մայրաքաղաքի կենտրոնում կատարել են թանկարժեք մետաղի «որսորդները»: Այս անգամ ոչ թե երկաթուղու մալուխներ են գողացվել, այլ երկու բրոնզե ցուցատախտակներ, որոնք զարդարում էին Ալեքսանդր III-ի կամուրջը: Այս մասին հայտնում է ITAR-TASS-ը:
Տեղի ԶԼՄ-ների տեղեկություններով՝ գողությունը կատարվել է շուրջ երկու շաբաթ առաջ, սակայն միայն հիմա է այդ տեղեկությունը մեծ արձագանք ստացել: Սկզբում քննարկվում էր միջադեպը վարչական իրավախախտում որակելու հնարավորությունը, սակայն այնուհետև ոստիկանությունը որոշել է քրեական գործ հարուցել վանդալիզմի փաստով:
Քաղաքային վարչակազմի հաղորդմամբ՝ խոսքը ոչ թե նյութական, այլ քաղաքի հնագույն հուշարձանին հասցված վնասի մասին է:
