Մադոննայի դուստրը՝ 16-ամյա Լուրդեսը, հանդիպում է «Հայրենիք» սերիալի հերոսի՝ դերասան Թիմոթի Շալամեի հետ:
Երիտասարդները ծանոթացել են դեռևս 5 տարի առաջ, երբ սովորում էին Նյու Յորքի Ֆիորելո Լա Գարդիայի անվան երաժշտական արվեստի և դերասանական վարպետության դպրոցում: Այս մասին տեղեկացնում է New York Post-ը:
Նրանց համակուրսեցիների խոսքերով՝ սիրահարներն այլևս չեն թաքցնում իրենց զգացմունքները՝ չնայած որ Լուրդեսի հայրը՝ Կառլոս Լեոնը, մի քանի տարի առաջ հայտարարել է, որ իր դստեր ապագա փեսացուի համար հեշտ չի լինելու, քանի որ ինքը դստերը կպաշտպանի «վատ» տղաներից: Իսկ թե տեղյակ է արդյոք Մադոննան այս ամենից, հայտնի չէ:
