Հայ կինոռեժիսոր Արամ Սուքիասյանի «Լուսապսակ» ֆիլմի դիստրիբուցիոն փաթեթը ներկայացվելու է Կաննի միջազգային կինոփառատոնի շրջանակներում անցկացվելիք կինոշուկայում:
Մինչ այդ ֆիլմն առաջադրվել էր Կաննի փառատոնի հիմնական` մրցութային փուլում ներկայացնելու համար, սակայն չի անցել հիմնական մրցութային փուլը, բայց իրավունք է ստացել դիստրիբուցիոն փաթեթը ներկայացնել փառատոնի կինոշուկայում:
Տեղեկացնենք, որ այս տարի Կաննի կինոփառատոնը կկայանա մայիսի 11-22-ը: Հայաստանն առանձին տաղավարով մասնակցելու է փառատոնի շրջանակներում անցկացվող կինոշուկային երրորդ անգամ, որտեղ ներկայացվելու են Հայաստանում վերջին երկու տարվա ընթացքում նկարահանված ֆիլմերը, ինչպես նաև տարբեր ֆիլմերի վերաբերյալ համագործակցության փաթեթներ: