Մեքսիկայի իշխանություններն ԱՄՆ-ին են հանձնել թմրաբարոն Էդգար Վալդեսին՝ Բարբի մականունով, ով 2010-ից ի վեր գտնվել է Ալտիպլանոյի խիստ ռեժիմի բանտում: Այս մասին հաղորդում է Associated Press-ը: Նշվում է, որ նրա հետ միասին արտահանձնվել են տվյալ հաստատության ևս 12 կալանավորներ, այդ թվում՝ Ծոցի կարտելի առաջնորդ Խորխե Էդուարդո Կաստիլյա Սանչեսը:
«Այնպիսի գործողությունները, ինչպիսին է հանցագործների արտահանձնումը, ամրապնդում են կազմակերպված հանցավորության դեմ պայքարում համատեղ ջանքերի մասին միջազգային համաձայնագրերը»,- ասել է Մեքսիկայի գլխավոր դատախազության քրեական հետաքննությունների գործակալության ղեկավար Թոմաս Սերոնը:
ԱՄՆ գլխավոր դատախազ Լորետա Լինչը երախտագիտություն է հայտնել մեքսիկացի գործընկերներին համագործակցության համար:
