ԱՄՆ-ը պատրաստ է աջակցել Ռուսաստանի գործողություններին, եթե դրանք իսկապես ուղղված են ԴԱԻՇ (Իրաքի և Շամի իսլամական պետություն) ահաբեկչական կազմակերպության և «Ալ-Քաիդա»-ի հետ կապ ունեցող կազմակերպությունների դեմ, սակայն դեմ է Սիրիայի նախագահ Բաշար Ասադի աջակցությանը, գրում է TASS-ը:
Այս մասին ՄԱԿ-ի Անվտանգության խորհրդի նիստի ժամանակ հայտարարել է ԱՄՆ պետքարտուղար Ջոն Քերին:
«Եթե Ռուսաստանի վերջին գործողություններն արտացոլում են այդ կազմակերպությունը կործանելու նրա իրական մտադրությունները, ապա մենք պատրաստ ենք աջակցել այդ ջանքերին»,- ասել է նա:
«Բայց ոչ ոք չպետք է խառնի ԴԱԻՇ-ի դեմ պայքարն ու Ասադին աջակցությունը»,- հավելել է Քերին:
Նա նաև նշել է, որ ԱՄՆ-ը պատրաստ է Ռուսաստանի հետ ռազմական գործողությունների համաձայնության գործընթացը սկսել արդեն այս շաբաթ, առաջին իսկ հնարավորության դեպքում:
