ԵՄ երկրների ղեկավարությունը Եվրոպային պետք է օգնի «վերահաստատել վերահսկողությունը» արտաքին սահմանների նկատմամբ Մերձավոր Արևելքի և Աֆրիկայի երկրներից փախստականների զանգվածային հոսքի շնորհիվ: Այս մասին հայտարարել է Եվրախորհրդի ղեկավար Դոնալդ Տուսկը, գրում է Interfax-ը:
«Ամենաանհետաձգելի հարցը, որ պետք է տանք ինքներս մեզ, այն է` ինչպե՞ս վերականգնել արտաքին սահմանների վերահսկողությունը»,- ասել է Տուսկը:
«Հակառակ դեպքում նույնիսկ անիմաստ է խոսել միասնական եվրոպական միգրացիոն քաղաքականության մասին»: Խաղաքարտի վրա է դրված Շենգենի ապագան, կարգուկանոնի զգացումն ու ընդհանուր եվրոպական ոգին»,- կարծում է նա:
Նա նաև եվրոպացի առաջնորդներին կոչ է արել դադարեցնել փոխադարձ կշտամբանքներն ու թյուրըմբռնումները, որոնք խաթարում են ԵՄ ջանքերը` փախստականների հետ կապված ճգնաժամում ընդհանուր հայտարարի գալու համար:
