![](https://www.1in.am/assets/uploads/2015/09/china-xi-jinping-us-sep.jpg)
Չինաստանի նախագահ Սի Ցզինպինը սկսել է իր պաշտոնական այցն ԱՄՆ, հայտնում է «Ռոսիա 24»-ը:
Հաղորդվում է, որ նրա ինքնաթիռը նախօրեին ժամանել է Սիեթլ: Ցզինպինը ծրագրում է բանակցել միջուկային էներգետիկայի ոլորտում Պեկինի և Վաշինգտոնի համագործակցության հարցերով: Կողմերը նաև կքննարկեն մի շարք տնտեսական հարցեր:
Հինգշաբթի Ցզինպինը կմեկնի ԱՄՆ մայրաքաղաք, որտեղ կհանդիպի Բարաք Օբամայի հետ:
Ցզինպինը հայտարարել է ներդրումների և կիբեռհանցագործությունների դեմ պայքարի հարցերում ԱՄՆ-ի հետ համագործակցության վերաբերյալ ծրագրերի մասին: Այս մասին հայտնում է Reuters-ը:
«Եթե Չինաստանը և ԱՄՆ-ը լավ համագործակցեն, կկարողանան համաշխարհային կայունության հիմքը դառնալ: Եթե նրանք հակամարտության կամ դիմակայության մեջ մտնեն, դա աղետի կհանգեցնի երկու երկրների և ընդհանուր աշխարհի համար: Չինաստանը կիբեռանվտանգության կայուն պաշտպան է, բայց նաև ցանցահենների զոհ է…»,- ասել է նա:
Նա նաև նշել է, որ երկրները հնարավորինս շուտ պետք է երկկողմ պայմանագիր կնքեն, որը կվերաբերի ներդրման թեմային: