Նյու Յորքի շրջանային դատարանը ուրբաթ օրը մերժել է 16 համաշխարհային խոշորագույն բանկերի դեմ հայցի հավակնությունների մեծ մասը: Այդ բանկերը իբր մասնակցել են միջբանկային առաջարկի դրույքի (LIBOR) շահարկման գործին: Այս մասին հայտնում է ITAR-TASS-ը:
Հայցով որպես պատասխանող կողմ հանդես են եկել 16 խոշոր միջազգային վարկային-ֆինանսական ինստիտուտներ, այդ թվում՝ Citigroup-ը, Bank of America-ն, JPMorgan Chase-ը, Barclays-ը, The Royal Bank of Scotland-ը, Deutsche Bank-ը, Credit Suisse-ը, Royal bank of Canada-ն:
Դատավոր Նաոմի Ռիս Բուխվալդը, մասնավորապես, հրաժարվել է քննարկել հավակնությունները, որոնք վերաբերում են հակամենաշնորհային օրենսդրության խախտմանը, շորթմանը և հումքի գների շահարկմանը: Դատավորի նման որոշման պատճառն այն է, որ չեն վերահսկվել ֆիզիկական անձանց անունից հայցային պահանջները կազմելու կանոնները և ընթացակարգերը:
