Իրանի նախագահ Հասան Ռուհանին CBS News-ին տված հարցազրույցում հայտարարել է, որ իրանցիները հարգում են ԱՄՆ քաղաքացիներին, և նշել ամերիկացի քաղաքական գործիչների քաղաքականության հակաիրանական ուղղվածությունը։
Նա հայտարարել է, որ Թեհրանում «Մահ Ամերիկային» վանկարկող բազմությունը չարիք չի ցանկանում ամերիկացիներին։
«Մեր ժողովուրդը հարգում է ամերիկացիներին։ Իրանի ժողովուրդը պատերազմ չի ցանկանում ոչ մի ժողովրդի հետ։ Սակայն միևնույն ժամանակ ԱՄՆ քաղաքականությունն ուղղված է եղել իրանցի ժողովրդի ազգային շահերի դեմ, հասկանալի է, որ մարդիկ զգայունություն կցուցաբերեն այդ հարցի նկատմամբ»,- ասել է նա։
Սա եղել է Արևմուտքի լրագրողի հետ Իրանի նախագահի առաջին հարցազրույցը իրանական միջուկային հարցով Թեհրանի և «վեցյակի» միջև համաձայնագրի կնքումից հետո։
