Հայտնի երաժիշտ Լայոնել Ռիչին Լոս Անջելեսի օդանավակայանում երևացել է երիտասարդ ընկերուհու հետ, հայտնում է aspekty.net-ը:
Արդեն երեք տարի է, ինչ երգիչն ու դերասանուհի-մոդել Լիզա Փարիգին հանդիպում են, սակայն զույգը շատ հազվադեպ է նկատվում լրագրողների կողմից:
Անցյալ շաբաթ Լիզան եղել է Ռիչիի կողքին, երբ նրան Լոնդոնում հանձնել են British GQ’s Icon of the Year մրցանակը, ինչի ժամանակ երգիչը իրեն հատուկ հումորով ասել է.
«Իմ կյանքը սարսափելի է: Ես ապրում եմ մի տան մեջ, որտեղ իմ երեխաները մշտապես ինձ ամոթանք են տալիս: Կարևոր չէ, թե ես որքան եմ հայտնի, իմ երեք ժառանգները, հենց որ ես հանրության մեջ դուրս գալու համար հագնվում եմ ոճային և սեքսուալ, նայում են ինձ և հայտարարում. «Հայրիկ, դու այդպիսի հագուստով տնից դուրս չես գա, չէ՞»: Դա իմ մեջ լրիվ սպանում է ինքնավստահությունը»:
