Եգիպտոսի դատարանը ապրիլի 21-ին որոշում է կայացրել, որի համաձայն` նախկին նախագահ Հոսնի Մուբարաքի և նրա կնոջ` Սյուզանի անունները պետք է հանվեն հասարարական վայրերի անվանումներից:
Այս մասին հաղորդում է Al-Jazeera հեռուստաալիքը:
Հոսնի Մուբարաքի և Սյուզանի անունների վրա դրված արգելքը կազդի այգիների, փողոցների, հրապարակների, դպրոցների, գրադարանների և այլ օբյեկտների վրա: Ինչպես նշում է հեռուստաալիքը, երկրում Մուբարաքի անունով միայն 500 դպրոց կա:
Ինչպես ակնկալվում է, նախկին նախագահի ազգանունը կրող օբյեկտները կփոխարինվեն ռեժիմի անկմանը հանգեցրած հեղափոխության ժամանակ մահացածների անուններով: Բացի այդ, նախագահի նկարը գրասենյակներում, փողոցներում և հասարակական վայրերում, ըստ դատարանի կայացրած որոշման, կփոխարինվի Եգիպտոսի պետական դրոշով:
Այսօր Եգիպտոսի իշխանությունները նաև պարզել են, որ միայն Եգիպտոսում Մուբարաքի ընտանիքին է պատկանում առնվազն 40 անշարժ գույքի օբյեկտ, որոնց ընդհանուր արժեքը գերազանցում է 147 մլն դոլարը:
