Նեպալում ՄԱԿ-ի խաղաղապահ առաքելության շրջանակներում գործողություններ մշակելու նպատակով սկսվել են զորավարժություններ, որոնց մասնակցում են 23 պետությունների զինծառայողներ: Այս մասին հաղորդում է Associated Press-ը՝ վկայակոչելով Նեպալի բանակի հրամանատարությանը:
Զորավարժությունները, որոնք, ինչպես ակնկալվում է, կտևեն մինչև ապրիլի 7-ը, կազմակերպվել են Նեպալի և ԱՄՆ-ի կողմից: Զորավարժություններին ընդհանուր առմամբ մասնակցում են 871 զինվոր և սպա՝ աշխարհի 23 երկրներից, այդ թվում՝ ԱՄՆ-ից, Կանադայից, Մեծ Բրիտանիայից, Ավստրալիայից, Ճապոնիայից, Հարավային Կորեայից, Հորդանանից, Թաիլանդից, Նեպալից, Ֆիլիպիններից:
Զորավարժությունների ծրագրի շրջանակներում կվերահսկվեն տեղանքի, հսկիչ անցակետերը, ինչպես նաև կիրականացվեն պաշտպանության տարբեր առաքելություններ:
Նեպալի Զինված ուժերը ՄԱԿ-ի խաղաղապահ առաքելություններին մասնակցում են 1958թ.-ից:
