Վրաստանի խորհրդարանի կողմից ընդունված սահմանադրական ուղղումը, որով սահմանափակվում են նախագահի լիազորությունները, համապատասխանոմ է միջազգային սահմանադրական նորմերին և կամրապնդի ժողովրդավարությունը հանրապետությունում: ITAR-TASS-ի փոխանցմամբ՝ այս մասին վստահություն է հայտնել ԱՄՆ Պետդեպի պաշտոնական ներկայացուցիչ Պատրիկ Վենտրելը:
«ԱՄՆ-ը շնորհավորում է Վրաստանի ղեկավարությանը, ինչպես նաև խորհրդարանական մեծամասնությանն ու փոքրամասնությանը այդ կարևոր օրենսդրական միջոցառման ընդունման կապակցությամբ»,- ասել է Վենտրելն ու հավելել, որ այն ճանապարհ կհարթի դեպի ժողովրդավարության ամրապնդում:
Ուղղումն ընդունվել է միաձայն՝ երրորդ ընթերցմամբ, երկուշաբթի Քութայիսում տեղի ունեցած խորհրդարանի արտահերթ լիագումար նիստի ժամանակ:
Համաձայն ընդունված փոփոխության՝ կառավարության արձակման դեպքում նախագահը ներկայացնում է նոր կաբինետ, իսկ խորհրդարանը վստահություն հայտնում: Եթե խորհրդարանը երեք անգամ վստահության քվե չի հայտնում նախագահի ներկայացրած նախարարական կաբինետին, ապա պետության ղեկավարի ՝ կառավարության նոր կազմի միանձնյա նշանակման իրավունքը սահմանափակվում է, սակայն խորհրդարանն արձակելու և արտահերթ ընտրություններ նշանակելու իրավունքը պահպանվում է: Արձակված կառավարությունը շարունակում է պարտականությունների կատարումը մինչև նոր կառավարության ձևավորումը:
