Հարավկորեական տեխնոլոգիական հսկա LG Electronics-ը նույնպես կզբաղվի «խելացի ժամացույցների» մշակմամբ՝ հետևելով Apple-ին ու Samsung Electronics-ին։ Այս մասին հայտնում է The Korea Times-ը:
Անանուն աղբյուրը, որը տեղյակ է ընկերության գործերից, հայտնել է պարբերականին, որ LG-ի ստորաբաժանում Yeouido ֆիրմայի բազան ակտիվ զբաղվում է համակարգչի մշակմամբ, որը կարելի է կրել դաստակին ու սինխրոնացնել սմարթֆոնի հետ։ Նման սարքեր խոստացել են թողարկել Apple ն ու Samsung-ը:
Բացի այդ, աղբյուրը հայտնել է, որ Yeouido-ում աշխատանքներ են կատարվում «խելացի ակնոցների» ստեղծման ուղղությամբ, որոնք նման են Google Glass-ին, թեև նախագծի մասին շատ բան դեռ հայտնի չէ:
Այդ մշակումները LG-ի երկարաժամկետ ռազմավարության մասն են, որոնք ուղղված են բարձր տեխնոլոգիաների շուկայում մրցունակության բարձրացմանը: