Դուբայում կայացած արաբական նժույգների և ձիասպորտի ցուցադրության շրջանակներում կազմակերպվող ձիու աճուրդն ավարտվել է ընդհանուր առմամբ 4 մլն դիրհամ (ավելի քան 1 մլն դոլար) գործարքով: Այս մասին հաղորդում է էմիրությունների «Ալ-Իմարաթ Ալ-Յում» թերթը:
Աճուրդում վաճառվել են աշխարհում ամենագեղեցիկ 60 ձիերը:
Դուբայի ձիերի աճուրդի տան կազմակերպիչ Ֆեյսալ Ար-Ռահմանիի խոսքով՝ այս տարի առավել մեծ է եղել հետաքրքրությունը ԱՄԷ-ի, Կատարի, Սաուդյան Արաբիայի նժույգների նկատմամբ:
Դուբայի մասնավոր ձիանոցներից մեկի Յուսրա նժույգը կիրակի ավարտված Դուբայի աճուրդում վաճառվել է ամենաբարձր գնով՝ 150 հազար դիրհամով (ավելի քան 40 հազար դոլար)՝ ասել է Ար-Ռահմանին:
Արաբական նժույգների ու ձիասպորտի ցուցադրության ժամանակ ընտրել են նաև ամենագեղեցիկ ձիերը: Սաուդյան Արաբիայից Բանդերոս նժույգը ստացել է գլխավոր մրցանակը՝ 250 հազար դոլարի չափով:
Ամենագեղեցիկ մատակ է ճանաչվել Ամենդորիան՝ ԱՄԷ-ից: Այն նույնպես ստացել է 250 հազար դոլար մրցանակ:
Աշխարհի ամենագեղեցիկ ձիերը ներկայացնող Դուբայի միջազգային մասնագիտացված ցուցահանդեսը ամենամյա է: Դրա մրցանակային ֆոնդը կազմում է 4 մլն դոլար:
