Վերջին շրջանում Տնտեսական մրցակցության պաշտպանության հանձնաժողովը թանկացումներ է արձանագրել նաև հյութերի շուկայում: Ինչպես «Առաջին լրատվական»-ին հայտնեց ՏՄՊՊՀ նախագահ Արտակ Շաբոյանը, այդ շուկան բավականին մրցակցային է, իսկ գնային փոփոխությունը մրցակցային խնդիրներով չպետք է պայմանավորված լինի:
«Ամեն դեպքում մենք գնագոյացման ուսումնասիրություն կկատարենք, հատկապես պարզելու համար՝ հակամրցակցային համաձայնություն կա՞, թե՞ ոչ»,- ասաց Ա. Շաբոյանը:
Հյութերի շուկայում ներկայում 20-ից ավելի արտադրողներ և 30-ից ավելի ներմուծողներ կան, իսկ գերիշխող դիրք ունեցող ընկերություն չկա:
Ա. Շաբոյանը հայտնեց նաև, որ կաթնամթերքի շուկայում միայն 1 ապրանքատեսակի՝ պանրի գծով է որոշ գնային փոփոխություն արձնագրվել. «Բայց նախորդ տարիների ուսումնասիրությունները ցույց են տալիս, որ հատկապես այս սեզոնի ընթացքում պանրի շուկայում գնային լարվածություններ տեղի են ունենում: Տվյալ ժամանակահատվածում կաթի մթերման գների բարձրացում է տեղի ունենում»:
