Շատ չեն այն մարդիկ, ում դուր են գալիս սարդերը, թեև Արևմուտքում այս մազոտ սարսափելի միջատներին երբեմն պահում են որպես «ընտանի կենդանիների»: Սակայն մարդկության մեծամասնության մոտ դրանք բացասական զգացողություններ են առաջացնում։
Աշխարհում սարդակերպեր ի ամենախոշոր ներկայացուցիչը սարդ-թռչնակերն է կամ Տերաֆոզա Բլոնդան:
Պատկերացրեք մեծ ափսեի չափեր ունեցող սարդ, որը կարմրադարչնագույն մազերով ծածկված երկար հաստ թաթեր ունի:
Այս հսկայական թռչնակերները մեծանում են մինչև 25 սմ (բացված թաթերով), ընդ որում մարմնի երկարությունը 10 սմ է կազմում:
Ամենամեծ սարդը հայտնաբերվել է Վենեսուելայում՝ 1965թ.: Սարդի չափը (բացված թաթերով) 28 սմ է կազմել, այն 170 գ է կշռել:
Առաջին անգամ Տերաֆոզա Բլոնդայի տեսքը նկարագրվել է 1804 թ.` գիտնական-էնտոմոլոգ Լատրեյլի կողմից: Այդ ժամանակ էլ պարզվել է, որ դրա սննդակարգի մեջ մտնում են գորտեր, մողեսներ, մկներ և նույնիսկ` ոչ մեծ օձեր:
Աշխարհի ամենամեծ սարդը հիմնականում բնակվում է Հյուսիսային Բրազիլիայում, Գայանայում, Սուրինամում և Վենեսուելայում: Նրա բույնն իրենից ներկայացնում է խորը փոս, որի մուտքը ծածկված է հաստ սարդոստայնով:
Չնայած որ թռչանկեր տեսակն աշխարհի ամենամեծ սարդն է համարվում, սակայն կա սարդակերպերի ևս մեկ տեսակ, որն ավելի խոշոր է: Դա Heteropoda maxima-ն է, որ թաթերի բացվածքը 30 սմ է կազմում: Այն 2001 թ. հայտնաբերվել է Լաոսում:
