Ապրիլի 20-ին, ժամը 16.10-ին, ոստիկանության Շենգավիթի բաժնի ծառայողները գողություն կատարելու կասկածանքով Ֆրունզեի փողոցի շենքերից մեկի բակից բերման են ենթարկել 35-ամյա Հովհաննես Մ.-ին, 53-ամյա Լուիզա Ե.-ին և 66-ամյա Աղվան Հ.-ին:
Աղվան Հ.-ն խոստովանել է, որ ապրիլի 15-ին, ժամը 11.00-ին, Բագրատունյաց փողոցի թիվ 17 հասցեում գտնվող խանութում, մի քաղաքացու գրպանից, գողացել է 140.000 դրամ, այդ ընթացքում Լուիզա Ե.-ն և Հովհաննես Մ.-ն օգնել են իրեն, իսկ հետո գողացած գումարը բաժանել են միմյանց միջև:
Պարզվել է, որ տուժողը 54-ամյա Գրիգոր Խ.-ն է, որը ապրիլի 20-ին մեկնել է ՀՀ-ից:
Կատարվում է նախաքննություն:
