Google ընկերությունը չի ծրագրում միավորել Chrome ու Android գործառնական համակարգերը՝ չնայած բջջային պլատֆորմների մշակման ղեկավարության փոփոխմանը։ Սակայն նրանց միջև շատ ընդհանուր բան կլինի։ Այս մասին հաղորդում է Reuters-ը՝ հղում կատարելով Google–ի տնօրենների խորհրդի նախագահ Էրիկ Շմիդտի հայտարարությանը, որն արվել է Հնդկաստան այցի ընթացքում:
Այն մասին, որ աշխարհում ամենահայտնի բջջային Google Android պլատֆորմի մշակման ղեկավար Էնդի Ռուբինը լքում է իր պաշտոնը, ու որ այն այսուհետ զբաղեցնելու է Chrome բրաուզերի մշակման ու Google Apps վեբ-հավելվածի ղեկավար Սունդաև Պիչային, ընկերությունը հայտարարեց դեռ անցած շաբաթ:
Ինչպես նշել են արևմտյան վերլուծաբանները, Android-ի ղեկավարության փոփոխությունը կարող է վկայել Google ընկերության՝ դեսքթոփային ու բջջային պլատֆորմների աշխատանքի ինտեգրման ցանկության մասին: Սակայն, ըստ Շմիդտի, Google-ը ծրագրում է շարունակել Chrome-ի ու Android-ի, որպես առանձին արտադրատեսակների, զարգացումը:
«Android-ն ու Chrome-ը լուծում են տարբեր խնդիրներ»,- հայտարարել է Շմիդտը:
