Այսօր կկայանան Չեմպիոնների լիգայի փլեյ-օֆֆ փուլի մի շարք պատասխան հանդիպումներ:
Զագրեբում տեղի «Դինամո»-ն կհյուրընկալի ալբանական «Սկենդերբեու»-ին: Ալբանացիները սեփական հարկի տակ պարտվել են 1:2 հաշվով և լուրջ խնդիրներ պետք է փորձեն լուծել:
Թել Ավիվում «Մաքաբի»-ն հյուրընկալելու է շվեյցարական «Բազել»-ին: Շվեյցարիայի չեմպիոններն առաջին խաղում չկարողացան հաղթել իսրայելյան ակումբին՝ հանդիպումն ավարտելով 2:2 հաշվով: Չնայած, որ ֆավորիտը «Բազել»-ն է, Թել Ավիվի թիմը անգամ 0:0, 1:1 հաշիվների դեպքում կկարողանա դուրս գալ խմբային փուլ:
Շվեդական «Մալմյոն» հյուրընկալելու է շոտլանդական «Սելթիկ»-ին: Կանաչ-սպիտակներն առաջին խաղում դժվարին հաղթանակի հասան 3:2 հաշվով: Այսօր թիմերի շանսերը գնահատվում են հավասար:
Օրվա կենտրոնական հանդիպումը Մոնակոյում է, որտեղի համանուն թիմին հյուրընկալվելու է իսպանական «Վալենսիա»-ն: «Չղջիկներ»-ը առաջին խաղում հաղթել են 3:1, բայց այդքանով չեն ապահովել իրենց տեղը Չեմպիոնների լիգայի խմբային փուլում: Ավելին՝ այսօրվա խաղում բուքմեյկերները նախապատվությունը տալիս են ֆրանսիական ակումբին, որը կարող է երկրորդ տարին անընդմեջ հանդես գալ ամենահեղինակավոր խաղարկության խմբային փուլում:
Դոնեցկում «Շախտյոր»-ը կհանդիպի Վիեննայի «Ռապիդ»-ի հետ: Ավստրիական ակումբն առաջին խաղում պարտվել է նվազագույն հաշվով ու վերջին տարիների ՉԼ-ի խմբային փուլի մշտական բնակչին շրջանցելու բավական քիչ հնարավորություններ ունի: Բուքմեյկերներն էլ, իրենց հերթին, բացահայտ ֆավորիտ են համարում ուկրաինական ակումբին:
Հավելենք նաև, որ բոլոր հանդիպումների սկիզբը Երեւանի ժամանակով 22:45-ին է:
