Այսօր «Ոտքի՛, Հայաստան» նախաձեռնությունը հանարահավաք էր կազմակերպել՝ կոչ անելով ՀՀ քաղաքացիներին անվադողերով գալ Հանրապետության հրապարակ՝ պահանջելու կառավարության հրաժարականը։
Ցույցի մասնակիցները, շղթա կազմած, փակել են փողոցը, ապա նստել ասֆալտին։ Ոստիկանները, ուժի կիրառմամբ, ազատել են փողոցը։ Ոստիկանների և ցուցարարների միջև վիճաբանություն է սկսվել, որի ժամանակ ոստիկաններից մեկը բոլորի ներկայությամբ ապտակել է տարեց ցուցարարին, որի անունը Հակոբ է։ Տեղի ունեցածից անմիջապես հետո մյուս ոստիկանները արագ հեռացրին ապտակող ոստիկանին։
Հանրապետության հրապարակում ոստիկանի կողմից տարեց ակտիվիստին ապտակելու դեպքի առթիվ նշանակվել է ծառայողական քննություն։
Այդ մասին «Առաջին լրատվական»-ին տեղեկացրին ՀՀ ոստիկանությունից։
