Թուրքական Dünya Bülteni լրատվական կենտրոնի փոխանցմամբ՝ Բարձրագույն ընտրական խորհուրդը (YSK) պատրաստ է արտահերթ խորհրդարանական ընտրություններն անցկացնել նոյեմբերի 1-ին։
Ընդհանուր առմամբ, այդ ընտրությունները պետք է անցկացվեն կոալիցիոն կառավարության ձևավորման վերջնաժամկետից (օգոստոսի 23) 3 ամիս անց, սակայն այժմ որոշվել է այդ ժամկետը կրճատել մեկ ամսով, որով և հնարավոր է դարձել արտահերթ խորհրդարանական ընտրություններն անցկացնել նոյեմբերի 1-ին։ Ամեն դեպքում այդ ժամկետը դեռ վերջնականապես որոշված չէ, և այդ ուղղությամբ աշխատանքները շարունակվում են։
Թուրքիայում խորհրդարանական ընտրություններն անցկացվել են այս տարվա հունիսի 7-ին։
