ՄԱԿ-ը Սիրիայի կառավարական զորքերի կողմից Լիբանանի տարածքին հասցրած ավիահարվածը համարում է Լիբանանի ինքնիշխանության խախտում: Այս մասին հաղորդում է RIA Novosti-ն` վկայակոչելով կազմակերպության հաղորդագրությունը:
«ՄԱԿ գլխավոր քարտուղարն Անվտանգության խորհրդին ուղղված իր վերջին զեկույցում նախազգուշացրել է Սիրիայի և Լիբանանի միջև լուրջ և կրկնվող սահմանային դեպքերի մասին»,- ասել է ՄԱԿ-ի պաշտոնական ներկայացուցիչը:
Նրա խոսքերով` Պան Գի Մունը Սիրիայի կառավարությանը կոչ է արել «դադարեցնել խախտել սահմանը և հարգել Լիբանանի ինքնիշխանությունն ու տարածքային ամբողջականությունը»:
Երեքշաբթի Լիբանանի նախագահ Միշել Սուլեյմանը հայտարարել է, որ Սիրիայի կողմից Լիբանանի տարածքի ռմբակոծումը Լիբանանի ինքնիշխանության անընդունելի խախտում է, և երկրի ԱԳՆ-ն ստանձնել է պաշտոնական բողոքի նոտա հղել Դամասկոսին:
Միևնույն ժամանակ Սիրիայի ԱԳՆ ներկայացուցիչը հերքել է, որ երկրի ռազմա-օդային ուժերը ռմբակոծել են Լիբանանի սահմանային շրջանները:
