Բուենոս Այրեսում առաջարկել են անվանափոխել մետրոյի կայարաններից և փողոցներից մեկը՝ ի պատիվ Հռոմի պապի

Բուենոս Այրեսի Օրենսդիր ժողովի պատգամավորները երեքշաբթի առաջարկել են Հռոմի պապ Ֆրանցիսկոսի անունով կոչել քաղաքային պողոտաներից ու մետրոյի կայարաններից մեկը՝ հաղորդել է տեղի մամուլը:

Համապատասխան օրինագիծը ներկայացրել է պատգամավոր Դանիել Ամորոսոն: Ըստ այդմ, առաջարկվում է ներկայիս Կարաբոբո պողոտան կոչել Հռոմի պապ Ֆրանցիսկոսի անունով: Մայրուղին անցնում է Ֆլորես շրջանով, որտեղ ծնվել էր ապագա Պապը:

Ըստ պատգամավորի՝ Բուենոս Այրեսի արքեպիսկոպոսի՝ Հռոմի պապ ընտրվելը համաշխարհային կարևորություն ունի: