«Մեզ մոտ լիքը խնդիրներ կան՝ խմելու ջուրը անորակ է, ոռոգման ջուր չկա, գազ չկա, տրանսպորտ չկա. Արբաթը լրիվ կտրված ա…»,- «Առաջին լրատվական»-ի հետ զրույցում նշեցին Արարատի մարզի Արբաթ գյուղի բնակիչները:
Նրանք շեշտեցին, որ չեն կարող իրենց խնդիրները առանձին դիտարկել, քանի որ դրանք բոլորն էլ անհապաղ լուծման կարիք ունեն… «Երեխաները խմելու ջրից հայտնվում են հիվանդանոցում, ոռոգման ջրի բացակայության պատճառով բերքն է փչանում, պակաս կարևոր չէ նաև տրանսպորտի խնդիրը՝ երկու ժամը մեկ է գալիս»,- դժգոհեցին գյուղացիները:
Նրանց դիտարկմամբ՝ կուտակված խնդիրներով չի հետաքրքրվում ոչ կառավարությունը, ոչ ՏԿԱԻՆ-ը, ոչ գյուղատնտեսության նախարարությունը, գյուղը ամբողջովին անտեսված է:
Այս գյուղում հիասթափված էին հատկապես գյուղատնտեսության նախարար Սերգո Կարապետյանից: Բնակիչների խոսքով՝ թեև նախարարը ասում է, որ գյուղատնտեսության ոլորտը զարգանում է, սակայն այդպես չէ. «Կառավարությունը ինչո՞վ է մտահոգված, էն գյուղնախարար Սերգո Կարապետյանը ռոբոտի նման թող չխոսա, ռոբոտի նման ուղղակի անգիր արած եթերում ելույթ է ունենում, բոլորն էլ հիասթափված են»,- ասացին նրանք:
Մանրամասները՝ տեսանյութում:
