The Washington Post ամերիկյան թերթի կայքը 2013թ. ամռանից կդառնա վճարովի: Այս մասին պարբերականը հայտարարել է մարտի 18-ին:
Թերթը դեռևս չի որոշել վճարի չափը: Միաժամանակ՝ յուրաքանչյուր օգտատեր կկարողանա ամսական անվճար կարդալ մինչև 20 հոդված կամ դիտել մուլտիմեդիայի նյութ:
The Washington Post-ն ընդգծում է, որ կայքի օգտատերերի զգալի մասը կազատվի վճարումից: Այն բոլոր օգտատերերը, ովքեր բաժանորդագրվել են թերթի տպագիր տարբերակին, կկարողանան անվճար օգտվել թերթի թվայնացված նյութերից: Բոլոր հոդվածները հասանելի կլինեն նաև ուսանողներին, դասախոսներին, դպրոցների ղեկավարությանը, քաղաքացիական և ռազմական բարձրաստիճան պաշտոնյաներին՝ պայմանով, եթե նրանք կայք մտնեն այն հաստատություններից, որտեղ աշխատում կամ սովորում են:
The Washington Post-ի գլխավոր էջի և բաժինների էջերի հասանելիությունը նույնպես ազատ կլինի:
The Washington Post թերթը թողարկվել է 1877թ. և ԱՄՆ-ի ամենագլխավոր հասարակական-քաղաքական պարբերականներից մեկն է:
