«Ո՛չ թալանին» քաղաքացիական նախաձեռնությունը ատասխանել է Հովիկ Աբրահամյանի հայտարարությանը:
Նախաձեռնության տարածած հայտարարության մեջ մասնավորապես ասվում է. «Այսօր տեղեկացանք Հովիկ Աբրահամյանի հայտարարության մասին, որ կառավարությունը չի սուբսիդավորի խոշոր բիզնեսի ծախսած էլեկտրաէներգիայի սակագնի լրացուցիչ 6.93 դրամը։
Ինքնին հասկանալի է, որ դա կբերի շղթայական թանկացումների և կտանի տնտեսության էլ ավելի վատթարացմանը։ «Ոչ Թալանին» նախաաձեռնությունը ի սկզբանե դեմ է եղել սուբսիդավորմանը, հատկապես, որ այն արվում է Որոտանի կասկադի վաճառքից ստացված գումարի հաշվին: Ժողովուրդն արդեն ցույց է տվել իր վճռականությունը այս հարցի շուրջ և, եթե իշխանավորները դասեր չքաղեն իրենց սխալներից, խելքները գլուխները չհավաքեն և շարունակեն իրենց լկտի քաղաքականությունը, ապա կրկին կտեսնենք քաղաքացիներին փողոցում, բայց այս անգամ կլինի շատ ավելի վճռական ու կոշտ տրամադրված պայքար։ Հետագա իրավիճակի ողջ պատասխանատվությունը կմնա անձամբ Աբրահամյան Հովիկի և Սարգսյան Սերժի վրա»:
