Երևանի քաղաքապետ Տարոն Մարգարյանն ուղերձ է հղել Երիտասարդության միջազգային օրվա առթիվ, տեղեկացնում է Երևանի քաղաքապետարանի մամուլի ծառայությունը։
Ուղերձում ասվում է.
«Սիրելի՛երիտասարդներ,
Sրտանց շնորհավորում եմ ձեզ Երիտասարդության միջազգային օրվա առթիվ: Բոլոր ժամանակներում էլ զարգացման և առաջընթացի ակունքներում միշտ երիտասարդությունն է եղել:
Այսօր էլ երիտասարդական ձեր ավյունով, ձեր անսպառ եռանդով ու կարողություններով, ցանկացած մարտահրավերի դիմակայելու ձեր պատրաստակամությամբ դուք շարունակում եք մնալ մեր երկրի ու մեր մայրաքաղաքի առաջընթացի և զարգացման ամենակարևոր օղակներից մեկը: Ու ես համոզված եմ, որ այսուհետ ևս նույն վճռականությամբ և նվիրումով եք մասնակցելու մեր երկրի ու բնակչության բարօրությանն ուղղված ցանկացած նախաձեռնության: Կրկին շնորհավորելով այս գեղեցիկ տոնի առթիվ՝ վստահեցնում եմ, որ Երևանի քաղաքապետարանը պատրաստ է օժանդակելու կառուցողական ձեր բոլոր նախաձեռնություններին, միասին կյանքի կոչելու իրատեսական ցանկացած ծրագիր, որն օգտակար կլինի մեր հայրենիքին, մեր սիրելի Երևանին ու նրա բոլոր բնակիչներին»:
