Ուկրաինայի Կիրովոգրադի շրջանում երկու կալանավորների չի հաջողվել բանտից ուղղաթիռով փախուստ գործել:
Ինչպես հաղորդում է Պետական պատժիչ ծառայությունը, մարտի 16-ին քրեակատարողական հիմնարկի տարածքում ուղղաթիռ է վայրէջք կատարել: Նրա սրահում եղել են երկու հոգի՝ զինված «Կալաշնիկով» ավտոմատներով. հետո պարզվել է, որ դրանք իրական չեն:
Քրեակատարողական հիմնարկի աշխատակիցները կարողացել են արգելափակել ուղղաթիռի մուտքն ու ելքը և բռնել փախստականներին ու նրանց օգնականներին: Ինչպես նշվում է հաղորդագրության մեջ՝ փախուստը հաջողվել է կանխել պահակային ծառայության աշխատակիցների օպերատիվ ու արագ արձագանքման աշխատանքի շնորհիվ: Այլ մանրամասներ չեն հաղորդվում:
Անցկացվում է հետաքննություն: Իրավիճակը ՔԿՀ-ում լիովին վերահսկվում է իրավապահների կողմից:
