Գերմանիայի ներքին գործերի նախարար Հանս-Պետեր Ֆրիդրիխը առաջարկել է երկրից արտաքսել այլ երկրների այն քաղաքացիներին, որոնց կասկածում են կրոնական ծայրահեղականություն և այդ հողի վրա ատելություն սերմանելու մեջ: Այդ մասին գերատեսչության ղեկավարը հաղորդել է Մյունխենում՝ ելույթ ունենալով Քրիստոնեա-սոցիալիստական համագումարի ժամանակ:
Նրա խոսքերով՝ համապատասխան օրինագիծը պատրաստ կլինի առաջիկա 2-3 ամսվա ընթացքում:
«Այդ կերպ հնարավոր կլինի երկրից արտաքսել սալաֆիտներին և կրոնական հողի վրա ատելություն սերմանող մարդկանց»,- նշել է Ֆրիդրիխը:
Հայտարարությունն արվել է չորեքշաբթի՝ սալաֆիտների գրասենյակներում անցկացրած խոշոր օպերացիաների արդյունքում, որի ժամանակ ձերբակալվել է 23-43 տարեկան 4 անձ, ինչպես նաև առգրավվել են քարոզչական և պայթուցիկ սարքավորումներ պատրաստելու համար անհրաժեշտ նյութեր:
Ներկայում Գերմանիայում ապրում է գրեթե 4 հազար սալաֆիտ (իսլամի ծայրահեղական ուղղություն), ու գործում են մի շարք խմբավորումներ, որոնց վրա է սևեռված հատուկ ծառայությունների ողջ ուշադրությունը:
«Սալաֆիզմը այն տեսքով, որը ներկայացնում են արգելված խմբավորումները, համատեղելի չէ մեր ժողովրդավարական դիրքորոշման հետ»,- հավելել է նա: